Kristal Center është një qendër tregtare urbane, me ambiente relaksuese dhe tërheqëse për të gjithë vizitorët e saj, e vendosur në një pozicion strategjik, mbetet një vend shumë i këndshëm për të bërë pazar për të gjithë familjen. Ajo hapi dyert e saj në 24 Prill 2008, me një sipërfaqe prej 25,000 metra katrorë dhe një sipërfaqe të dedikuar për pjesën tregtare prej 10,500 metra katrorë. Ajo operon me më shumë se 40 marka të ndryshme të njohura në nivel kombëtar dhe ndërkombëtar, 300 parkime nëntokësore dhe një kënd lojrash për fëmijë, brenda dhe jashtë. Vendndodhja e saj është në zonën e Komunës së Parisit, një nga lagjet më të populluara në Tiranë. Pjesë e qendrës tregtare Kristal janë edhe dy salla të mëdha me kapacitet 500 persona dhe të pajisura me teknologji moderne. Në këto dhoma zhvillohen aktivitete të ndryshme si teatro për fëmijë, premierë filmash, festivale filmi, aktivitete social-kulturore, takime në komunitet, takime politike etj.