Muzeu Historik Kombëtar në Tiranë, është muzeu më i madh në vend. . Është inauguruar më 28 tetor 1981 dhe zë 27.000 metra katrorë. Muzeu është projektuar nga arkitekti shqiptar Enver Faja. Është më i rëndësishmi në Shqipëri dhe përmban një histori të mirë-dokumentuar të vendit. Struktura është e ndarë në tetë pavione: Antikiteti, Mesjeta, Rilindja, Pavarësia, Ikonografia, Lufta Antifashiste Nacionalçlirimtare, Terrori Komunist dhe Nënë Tereza. Mozaiku gjigant që shfaqet në hyrjen kryesore, i krijuar nga disa artistë bashkëkohorë, i titulluar Shqiptarët, përfaqëson popullin shqiptar në histori. Një vizitë në muze mund të zgjasë dy deri në tre orë.