Pika e nisjes në Tiranë është sheshi “Skënderbej”. Hapësira është ideuar nga arkitektët italianë të periudhës Musolini, Florestano de Fausto, Gherardo Bosio dhe Armando Brasini. Sheshi mori emrin e Heroit Kombëtar në vitin 1937. Ndërtesat që e rrethonin fillimisht janë ende aty, por sot i gjithë kompleksi i sheshit është modernizuar, duke e shndërruar atë në një zonë pedonale të rrethuar me gjelbërim dhe të shtruar me gurë natyralë shumëngjyrësh të marrë prej tij. Pllakat kulmojnë në qendër të sheshit si një piramidë që ngrihet lehtësisht nga skajet përreth. Sheshi është një qendër e vërtetë muzeale sepse ndërtesat që e rrethojnë kanë funksione të larta administrative, shtetërore dhe kulturore. Më të rëndësishmet janë Statuja e Skënderbeut, Muzeu Historik Kombëtar, Kulla e Sahatit, Xhamia e Et’hem Beut, Teatri Kombëtar i Operas dhe Baletit, Banka e Shqipërisë.